სახელმწიფო რწმუნებულის ადმინისტრაცია

ჭიათურაში, „ჯორჯიან მანგანეზის“ მიერ, გარემოს დაცვის კუთხით აღებული ვალდებულებების შესრულების პროცესს, გარემოს დაცვისა და სოფლის მეურნეობის მინისტრი ლევან დავითაშვილი და იმერეთში სახელმწიფო რწმუნებული–გუბერნატორი შავლეგო ტაბატაძე ადგილზე გაეცნენ. კომპანიის მიერ გაწეული სამუშაოები ასევე, დაათვალიერა პარლამენტის გარემოს დაცვისა და ბუნებრივი რესურსების კომიტეტის თავმჯდომარემ კახა კუჭავამ, ჭიათურის მაჟორიტარმა დეპუტატმა სულხარ მახათაძემ და მუნიციპალიტეტის მერმა პაატა ნადირაძემ.

ხელისუფლების წარმომადგენლები კომპანია ,,ჯორჯიან მანგანეზის“ ახალი ქარხნის მშენებლობის გეგმას გაეცნენ, რომლის სამუშაო პროცესი დახურული ციკლით წარიმართება და საწარმოო პროცესს მდინარესთან შემხებლობა აღარ ექნება.წლების მანძილზე მადნის გამდიდრების შედეგად წარმოქმნილი დაბინძურებული წყალი, შლამთან ერთად, პირდაპირ მდინარე ყვირილაში ჩაედინება.