სახელმწიფო რწმუნებულის ადმინისტრაცია

იმერეთში სახელმწიფო რწმუნებულს–გუბერნატორს გივი ჭიჭინაძესა და საქართველოში ისრაელის ელჩს იუვალ ფუქსს შორის გაცნობითი ხასიათის შეხვედრა შედგა. შეხვედრას, ასევე იმერეთში სახელმწიფო რწმუნებულის–გუბერნატორის  პირველი მოადგილე პაატა ნადირაძე და ვიცე–გუბერნატორი გიორგი ჭიღვარია ესწრებოდნენ.

შეხვედრის დროს მხარეებმა საქართველოსა და ისრაელს შორის მიმდინარე და მომავალში განსახორციელებელი სოფლის მეურნეობის, ტურიზმისა და კულტურის პროექტები განიხილეს. საქართველოში ისრაელის ელჩი და სამხარეო ადმინისტრაციის წარმომადგენლები იმერეთის რეგიონის მზარდი პოტენციალის გათვალისწინებით,  არსებული მიმართულებებით ურთიერთობების გაღრმავებასა და მომავალში მჭიდრო თანამშრომლობაზე შეთანხმდნენ.