სახელმწიფო რწმუნებულის ადმინისტრაცია

იმერეთის გუბერნატორის მოვალეობის შემსრულებლის გრიგოლ დალაქიშვილის ინიციატივითა და კომპანია "სოკარ ჯორჯია გაზი" – ს ფინანსური მხარდაჭერით, დ. კაკაბაძის სახვითი ხელოვნების გალერეას მე–20 საუკუნის დასაწყისში (1883–1944) მოღვაწე ცნობილი ექიმის, სვიმონ ლორთქიფანიძის, პორტრეტი საჩუქრად გადაეცა. მხატვარ კოტე ქავთარაძის მიერ შექმნილი ტილო ამ დრომდე მისივე სახლში არასათანადო პირობებში ინახებოდა და შთამომავლობის ინიციატივით ნამუშევრის გასხვისება მოხდა. ასევე, ოჯახის წევრების მიზანი იყო ტილოს შექმნის ისტორიისა და მისი არსებობის შესახებ ინფორმაცია უფრო ფართო მასისთვის გამხდარიყო ცნობილი.