სიახლეები

საჩხერეში ძალოსანთა ვარსკვლავები და სპორტული დარბაზი გაიხსნა

21 ივნისი, 2018

საჩხერეში ოლიმპიელთა სკვერში არსებულ სიმბოლოზე ოლიმპიური ჩემპიონების გიორგი ასანიძისა და ლაშა ტალახაძის ვარსკვლავები და ძალოსნობის დარბაზი გაიხსნა. ცერემონიას იმერეთში სახელმწიფო რწმუნებულის–გუბერნატორის მოადგილე იოსებ ხახალეიშვილი, ეროვნული ოლიმპიური კომიტეტის პრეზიდენტი ლერი ხაბელოვი, სპორტისა და ახალგაზრდობის საქმეთა მინისტრის მოადგილე შალვა გოგოლაძე და ადგილობრივი ხელისუფლების წარმომადგენლები ესწრებოდნენ.

აღნიშნული დარბაზის მშენებლობა 2016 წელს დაიწყო. მშენებლობისთვის 636 814 ლარი რეგიონული განვითარების ფონდმა გამოყო. შენობა თანამედროვე სტანდარტებს სრულად აკმაყოფილებს. ამ დროისათვის აქ 50-ზე მეტი ბავშვი ვარჯიშობს. ინვენტარის ნაწილი ძალოსნობის ეროვნულმა ფედერაციამ დარბაზს საჩუქრად გადასცა.