სახელმწიფო რწმუნებულის ადმინისტრაცია

საქართველოს რეგიონული განვითარებისა და ინფრასტრუქტურის მინისტრმა, მაია ცქიტიშვილმა, იმერეთში სახელმწიფო რწმუნებულის–გუბერნატორის მოვალეობის შემსრულებელმა, გრიგოლ დალაქიშვილმა და საჩხერის მუნიციპალიტეტის მერმა, ბენიამენ ფალავანდიშვილმა, ჩიხის და გორისას ადმინისტრაციულ ერთეულებში შემავალი სოფლების წყალმომარაგების სისტემის მოწყობის პროცესი დაათვალიერეს.

აღნიშნულ სოფლებში წყალმომარაგების ქსელი არ არსებობს. პროექტის დასრულების შემდეგ კი 3000–მდე ოჯახს 24-საათიანი წყალმომარაგება ექნება. გაკეთდება რეზერვუარები და მოხდება აბონენტების გამრიცხველიანება. უკვე დაწყებულია გორისას რეზერვუარისა და სატუმბი სადგურის მშენებლობა. პროექტი 2019 წლის ზაფხულში დასრულდება, რაც ადგილობრივი მოსახლეობის სოციალური მდგომარეობის გაუმჯობესებას შეუწყობს ხელს.

პროექტის ღირებულება 7, 9 მლნ ლარს შეადგენს.