სახელმწიფო რწმუნებულის ადმინისტრაცია

 ფესტივალი ,,თეატრალური იმერეთი“ დღეს გაიხსნა. იგი მე–9 წელია იმერეთში სახელმწიფო რწმუნებულის–გუბერნატორის ადმინისტრაციის მხარდაჭერით იმართება და ჩვენი მხარის კულტურული ცხოვრების მნიშვნელოვან მოვლენად იქცა. ფესტივალის ფარგლებში 22 მაისიდან 8 ივნისის ჩათვლით წარმოდგენილი იქნება 18 სპექტაკლი და ნებისმიერ მსურველს საშუალება ეძლევა უფასოდ დაესწროს მათთვის სასურველ წარმოდგენას.

თეატრალური ფესტივალი უკვე მესამე წელია საერთაშორისო მასშტაბის გახდა და წელს იმერეთის თეატრებთან ერთად პოლონეთისა ბაქოს თეატრები მონაწილეობენ.  

ფესტივალის დახურვაზე სხვადასხვა ნომინაციაში გამარჯვებული მსახიობები, რეჟისორები და სპექტაკლები დასახელდება. საუკეთესოებს სპეციალური ჟიური გამოავლენს.