სიახლეები

იმერეთის სამხარეო ადმინისტრაციამ ახალგაზრდულ ცენტრთან გაცნობითი ხასიათის შეხვედრა გამართა

26 მარტი, 2015

იმერეთში სახელმწიფო რწმუნებულმა–გუბერნატორმა გივი ჭიჭინაძემ და პირველმა მოადგილემ პაატა ნადირაძემ, ქუთაისის ახალგაზრდულ ცენტრთან გაცნობითი ხასიათის შეხვედრა გამართეს და ცენტრის მიერ მოწყობილ ღონისძიებას დაესწრნენ. ახალგაზრდული ცენტრის მოსაწავლეებმა სტუმრებს ქორეოგრაფიული და სასიმღერო ნომრები წარუდგინეს. სამხარეო ადმინისტრაცია ისეთ ინიციატივებს, რომლებიც ახალგაზრდებთან და მათ განვითარებასთან იქნება დაკავშირებული, აქტიურად დაუჭერს მხარს. სახელმწიფო რწმუნებული–გუბერნატორი აღნიშნულ მიმართულებას პრიორიტეტულად აცხადებს.

ახალგაზრდული ცენტრი კულტურულ–საგანმანათლებლო კომპლექსია, რომელიც 16 სხვადასხვა დარგის სახელოვნებო და პროფესიულ სასწავლებელს აერთიანებს, მათ შორისაა ფოტო, სამხატვრო, ვოკალური, საბალეტო და თეატრალური სკოლები, რომლებიც 2014 წლის სექტემბერში გაიხსნა, აქვე, ამავე წელს ჩამოყალიბდა ახალგაზრდულ ცენტრთან არსებული მედიასკოლა.