სახელმწიფო რწმუნებულის ადმინისტრაცია

იმერეთის სამხარეო ადმინისტრაციაში, ნატოს დღეები 2018-ის ფარგლებში, საინფორმაციო შეხვედრა გაიმართა. შეხვედრას იმერეთში სახელმწიფო რწმუნებულის–გუბერნატორის მოადგილე იოსებ ხახალეიშვილი, იმერეთის რეგიონის მუნიციპალიტეტების მერები, საკრებულოს თავმჯდომარეები და მათი მოადგილეები ესწრებოდნენ. თავდაცვის ინსტიტუციური აღმშენებლობის სკოლის წარმომადგენელმა, საქართველო-ნატოს ურთიერთობებსა და ქვეყნის ევროატლანტიკური ინტეგრაციის პერსპექტივებზე ისაუბრა.

მიმდინარე წელს, ნატოს დღეები განსაკუთრებულად აღინიშნება საქართველოში. ქვეყნის 8 რეგიონში, მათ შორის, ეთნიკური უმცირესობებით დასახლებულ რეგიონებსა და საოკუპაციო ხაზის მიმდებარე სოფლებში, დაგეგმილია საინფორმაციო შეხვედრები აღმასრულებელი ხელისუფლების წარმომადგენლებისა და ექსპერტების მონაწილეობით, კონკურსები, სპორტული აქტივობები და გასართობი ღონისძიებები.