სახელმწიფო რწმუნებულის ადმინისტრაცია

საქართველოს ადგილობრივი თვითმმართველობის ეროვნული ასოციაციის ინიციატივით ქუთაისში, ადგილობრივი თვითმმართველობის საკითხებზე შეხვედრა გაიმართა. შეხვედრას ქუთაისის, თბილისის, რუსთავისა და დასავლეთ საქართველოს მუნიციპალიტეტების გამგებლები და მერები ესწრებოდნენ. შეხვედრაში ასევე, მონაწილეობას იღებდა იმერეთში სახელმწიფო რწმუნებულის–გუბერნატორის პირველი მოადგილე პაატა ნადირაძე და სამხარეო ადმინისტრაციის წარმომადგენლები.

განხილვის დროს თვითმმართველობებმა ის საკითხები წარმოადგინეს, რომლებიც კანონმდებლობის კუთხით დახვეწას საჭიროებენ. აღნიშნული ინიციატივის მიზანია უფრო ეფექტური და მოქნილი გახდეს თვითმმართველობის საქმიანობა.