სიახლეები

წყალტუბოს ხელბურთელთა გუნდი ოლიმპიადაზე კატარში მიემგზავრება

20 თებერვალი, 2018

წყალტუბოს მეოთხე საჯარო სკოლის ხელბურთელ ვაჟთა გუნდი მსოფლიოს სასკოლო ოლიმპიადაზე კატარში მიემგზავრება.

21 თებერვლიდან 2 მარტის ჩათვლით წყალტუბოელი სპორტსმენები საქართველოს სახელით ისრაელის, გერმანიის, ჩეხეთისა და რუმინეთის სასკოლო ოლიმპიადებში გამარჯვებულ გუნდებს დაუპირისპირდებიან.

აღნიშნულმა გუნდმა საქართველოს მასშტაბით ჩატარებულ მორიგ სასკოლო ოლიმპიადაზე გაიმარჯვა.

გუნდის წევრებს, იმერეთის გუბერნატორის მოადგილე იოსებ ხახალეიშვილი, ადგილობრივი თვითმმართველობის ორგანოებთან ურთიერთობის სამსახურის უფროსი დავით გორდელაძე, წყალტუბოს მუნიციპალიტეტის მერი გრიგოლ იოსელიანი და საკრებულოს თავჯდომარე გრიგოლ ივანეიშვილი შეხვდნენ. მათ სპორტსმენებს მომავალ ასპარეზობებში წარმატებები უსურვეს.