სახელმწიფო რწმუნებულის ადმინისტრაცია

ქუთაისში სოციალურად დაუცველ 80-მდე ოჯახს ბინა გადაეცა. იმერეთში სახელმწიფო რწმუნებულმა-გუბერნატორმა გივი ჭიჭინაძემ, მოადგილემ იოსებ ხახალეიშვილმა, ქუთაისის მერმა შოთა მურღულიამ, ქუთაისის მაჟორიტარმა დეპუტატებმა და ადგილობრივი ხელისუფლების წარმომადგენლებმა მიუსაფარ ადამიანებს გასაღები გადასცეს.

სოციალური საცხოვრისი 350-მდე ადამიანზეა გათვლილი და ბენეფიციარებს 5 წლიანი სარგებლობის ვადით გადაეცათ. ვადის გასვლის შემდეგ მათი მდგომარეობა კიდევ ერთხელ გადაიხედება და შესაბამისი ღონისძიება გატარდება.

საქართველოში სოციალური საცხოვრისი პირველად ქუთაისში აშენდა. პროექტი უპრეცედენტოა და მშენებლობა 2016 წელს დაიწყო.