სახელმწიფო რწმუნებულის ადმინისტრაცია

იმერეთში სახელმწიფო რწმუნებულის–გუბერნატორის მოადგილემ იოსებ ხახალეიშვილმა და ქუთაისის მერმა შოთა მურღულიამ, შვეიცარიელ ბავშვებს უმასპინძლეს. ბერნის გიმნაზიის, კამპუს მურიშტალდენის, მოსწავლეები გაცვლითი პროგრამით ქუთაისის პირველ საჯარო სკოლაში იმყოფებიან. პროექტის ფარგლებში დაგეგმილია საგანმანათლებლო და გასართობი აქტივობები, მათ შორის, გასვლითი ტურები საქართველოს სხვადასხვა კუთხეებში.

აპრილის თვეში შვეიცარიაში უკვე ქართველი ბავშვები გაემგზავრებიან. პროექტი იმერეთის სამხარეო ადმინისტრაციის მხარდაჭერით ხორციელდება.