სახელმწიფო რწმუნებულის ადმინისტრაცია

აკაკი წერეთლის სახელმწიფო უნივერსიტეტეში 84-ე სასწავლო წელი საზეიმო ვითარებაში აღინიშნა. ცერემონიას იმერეთში სახელმწიფო რწმუნებულის–გუბერნატორის პირველი მოადგილე გრიგოლ დალაქიშვილი, ქუთაისის მერი შოთა მურღულია, უნივერიტეტის რექტორი გიორგი ღავთაძე და სხვა მოწვეული სტუმრები ესწრებოდნენ.

წელს აკაკი წერეთლის სახელმწიფო უნივერსიტეტში 1 611 პირველკურსელი მიიღეს, მათ შორის ექვსი 100 % – იანი სახელმწიფო გრანტის მფლობელია. წარმატებული სტუდენტები უნივერსიტეტის პარტნიორმა კომპანიებმა დააჯილდოვეს.