სახელმწიფო რწმუნებულის ადმინისტრაცია

ხარაგაულის ისტორიულ მუზეუმში ლევან ცუცქირიძის სახელობის სახვითი ხელოვნების დარბაზი გაიხსნა. ღონისძიებას იმერეთში სახელმწიფო რწმუნებულის– გუბერნატორის პირველი მოადგილე პაატა ნადირაძე, ვიცე-გუბერნატორი იოსებ ხახალეიშვილი, ბაღდათი-ხარაგაულის მაჟორიტარი დეპუტატი კობა ლურსმანაშვილი და ხარაგაულის მუნიციპალიტეტის გამგებელი ნიკოლოზ თოფურიძე ესწრებოდნენ.

40-მდე მხატვრის 46 ფერწერული და გრაფიკული ნამუშევარი, მუზეუმის ორ დარბაზში განთავსდა. XXI საუკუნის ბუმბერაზი მხატვრის ლევან ცუცქირიძისა და მისი მეგობარი მხატვრების უნიკალური კოლექცია ხარაგაულს სამხატვრო სტუდია „ფრესკა“-ს დამფუძნებლის, მამუკა ცუცქირიძის, ინიციატივითა და მუნიციპალიტეტის გამგებლის ნიკოლოზ თოფურიძის მხარდაჭერით, საჩუქრად გადაეცა.

ნამუშევრები ლევან ცუცქირიძის სახვითი ხელოვნების დარბაზში მუდმივად იქნება გამოფენილი. კოლექციაში სხვადასხვა თაობის ცნობილი ქართველი მხატვრების ნამუშევრებია წარმოდგენილი.