სახელმწიფო რწმუნებულის ადმინისტრაცია

დაბა ურეკში მოწყობილ ბანაკში ქართველებთან ერთად ლატვიელი ახალგაზრდებიც ისვენებენ. ჩამოსულ ტურისტებს ბათუმის საერთაშორისო აეროპორტში იმერეთის გუბერნატორის მოადგილე იოსებ ხახალეიშვილი და ქუთაისის ვიცე მერი ნოდარ მიქიაშვილი დახვდნენ. ლატვიელები გაცვლითი პროგრამის ფარგლებში ურეკში 8 დღეს გაატარებენ. ასევე, დაათვალიერებენ ღირშესანიშნავ ადგილებს.

ქუთაისის მერიის კულტურის, სპორტის, განათლების, ძეგლთა დაცვისა და ახალგაზრდობის საქმეთა სამსახურის განათლებისა და ძეგლთა დაცვის განყოფილების ორგანიზებით ურეკში დასასვენებლად ქუთაისის საჯარო სკოლების VIII-IX-X-XI კლასის სოციალურად დაუცველი და წარმატებული მოსწავლეები იმყოფებიან. მოსწავლეთა შერჩევა საჯარო სკოლებისა და სოციალური სამსახურის მიერ მოხდა.