ხარაგაულის მუნიციპალიტეტში რეგიონული თათბირი გაიმართა

მუნიციპალიტეტები

დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

ხარაგაულის მუნიციპალიტეტში რეგიონული თათბირი გაიმართა

25 აპრილი, 2017

ხარაგაულის მუნიციპალიტეტის სოფელ გედსამანიაში ცენტრალური გზის 3 კმ–იანი მონაკვეთის რეაბილიტაცია და სანიაღვრე არხების მოწყობა მიმდინარეობს. სამუშაოებს იმერეთში სახელმწიფო რწმუნებული-გუბერნატორი გივი ჭიჭინაძე, პირველი მოადგილე პაატა ნადირაძე, ვიცე გუბერნატორი გიორგი ჭიღვარია, ხარაგაულის მუნიციპალიტეტის გამგებელი ნიკოლოზ თოფურიძე და მაჟორიტარი დეპუტატი კობა ლურსმანაშვილი გაეცნენ. პროექტს რეგიონული განვითარების ფონდი 277 380 ლარით აფინანსებს. ხარაგაულის მუნიციპალიტეტში 2017 წელს ცენტრალური ბიუჯეტიდან საგზაო ინფრასტრუქტურის მოსაწყობად 3 535 500 ლარია გამოყოფილი. მუნიციპალიტეტში სულ 14 პროექტი განხორციელდება, რომელთა დასრულების შემდეგ ადგილობრივები უსაფრთხოდ და კომფორტულად გადაადგილებას შეძლებენ.

დღესვე, ხარაგაულის მუნიციპალიტეტში გასვლითი რეგიონული თათბირი ჩატარდა. შეხვედრას მხარის პირველ პირებთან ერთად, რეგიონის მუნიციპალიტეტის გამგებლები ესწრებოდნენ. თათბირზე მხარეებმა სამედიცინო კორპორაცია "ევექსისის" მიერ სახელმწიფო პროგრამის ფარგლებში "კიბოს სკრინინგის" კომპონენტის მომსახურეობის უზრუნველყოფის შესახებ მოისმინეს ინფორმაცია, მუნიციპალიტეტების მიხედვით 2017 წლის ინფრასტრუქტურულ პროექტებზე გამოცხადებული ტენდერები მიმოიხილეს და სოციალური მომსახურების სააგენტოს იმერეთის სამხარეო ცენტრის მიერ გაწეული საქმიანობის ანგარიშს გაეცნენ. შეხვედრის მთავარი თემა იყო ასევე, მუხნარის ტყე–პარკში საორმაისო ღონისძიებების მოწყობისა და სახალხო დღესასწაულში იმერეთის მუნიციპალიტეტების ჩართულობის საკითხი.