სახელმწიფო რწმუნებულის ადმინისტრაცია

საქართველოს პრეზიდენტმა აკაკი წერეთლის სახელობის სახელმწიფო უნივერსიტეტში სტუდენტებთან და პროფესორ–მასწავლებლებთან შეხვედრა გამართა. ღონისძიებას იმერეთში სახელმწიფო რწმუნებული–გუბერნატორი გივი ჭიჭინაძე, მოადგილე იოსებ ხახალეიშვილი, ქუთაისის მერი შოთა მურღულია და სხვა მოწვეული სტუმრები ესწრებოდნენ. შეხვედრის მთავარ თემას საქართველოს კონსტიტუცია და მასში შესატანი ცვლილებების განხილვა წარმოადგენდა. დებატები გაიმართა ისეთ საკითხებზე, როგორიცაა: პრეზიდენტის ინსტიტუტი და მისი არჩევის წესი, ქუთაისის საპალამენტო ქალაქის სტატუსი და განათლების სფეროში არსებული პრობლემები.

დღესვე, საქართველოს პრეზიდენტი ქუთაისში სპორტის საერთაშორისო დღისადმი მიძღვნილ ღონისძიებებს დაესწრო.