სახელმწიფო რწმუნებულის ადმინისტრაცია

იმერეთში სახელმწიფო რწმუნებულმა–გუბერნატორმა გივი ჭიჭინაძემ, პირველმა მოადგილემ პაატა ნადირაძემ და USAID - ის მიისიის დირექტორმა დუგლას ბოლმა, USAID/REAP-ის მიერ დაფინანსებული საწარმო შპს ,,ფარკონი“ მოინახულეს. კომპანია 10 წლის წინ დაარსდა და თავდაპირველად მხოლოდ მცენარეული ნედლეულის დამზადებას, გადამუშავებასა და რეალიზაციას ახდენდა. თუმცა, USAID/REAP-ის დახმარებით, საწარმო  გადაიარაღდა და თანამედროვე ტექნოლოგიით აღიჭურვა, რაც  ფართო სპექტრის მაღალი ხარისხის პროდუქციის წარმოებას უზრუნველყოფს. ამ ეტაპზე საწარმოში ნედლეული სრულ ტექნოლოგიურ კურსს გადის, დაწყებული გამოშრობით, დაღერღვა-დაფასოებით და დამთავრებული შეფუთვით.

შპს ,,ფარკონი“ – ში 46 ადამიანია დასაქმებული. ბოლო წლების განმავლობაში კომპანიის გაყიდვები 2,5ჯერ გაიზარდა და უკვე 1.8 მილიონ ლარს გადააჭარბა.

პირველი პროდუქცია  64 ათასი  სუნელ-სანელებელი საექსპორტოდ აშშ-ში უკვე გავიდა. USAID-ს დახმარებით კომპანია "ფარკონი" აფართოებს სავაჭრო კავშირებს და იძიებს  ახალ ბაზრებს ევროპასა და ამერიკაში.