სახელმწიფო რწმუნებულის ადმინისტრაცია

იმერეთში სახელმწიფო რწმუნებულის-გუბერნატორის პირველმა მოადგილემ, პაატა ნადირაძემ ბაღდათის მუნიციპალიტეტის გამგებლის მოვალეობის შემსრულებელთან, არჩილ გოგსაძესთან ერთად საწარმოს მშენებლობა დაათვალიერა. მინერალური წყლის ჩამოსასხმელი საწარმო სახელმწიფო პროგრამა ,,აწარმოე საქართველოში" ფარგლებში დაფინანსდა და 2 მილიონამდე ლარის ინვესტიცია ჩაიდო.

500 კვადრატულ მეტრზე აშენებულ საწარმოში ამ ეტაპზე საჭირო ტექნიკა მონტაჟდება, მათ შორის არის 8 ფილტრი, რომელშიც მოხდება წყლის გაფილტრა. საწარმო ექსპლუატაციაში  გაზაფხულიდან შევა. როგორც მფლობელებმა განაცხადეს პირველ ეტაპზე 25-მდე ადგილობრივი დასაქმდება.  პროდუქცია ,,ზეკარის" სახელწოდებით შიდა ბაზარზე ზაფხულიდან გამოჩნდება.