სახელმწიფო რწმუნებულის ადმინისტრაცია

იმერეთში სახელმწიფო რწმუნებულის–გუბერნატორის პირველმა მოადგილემ, პაატა ნადირაძემ და წყალტუბოს მუნიციპალიტეტის გამგებელმა, კონსტანტინე მამისეიშვილმა ადგილობრივი თვითმართველობის წარმომადგენლებთან ერთად სტიქიის შედეგად დაზიანებული ინფრასტრუქტურის აღდგენითი სამუშაოები დაათვალიერეს. მუნიციპალიტეტში აქტიურად მიმდინარეობს დაზიანებული კორპუსებისა და სკოლამდელი დაწესებულებების სახურავების გადახურვა, რისთვისაც თანხა ადგილობრივი ბიუჯეტიდან გამოიყო. ასევე,სტიქიის დროს მოთხრილი ხეების დამუშავება მოხდა და შეშა სოციალურად დაუცველ რამდენიმე ოჯახს გადაეცა.