სახელმწიფო რწმუნებულის ადმინისტრაცია

დღეს ფოტოალბომის ,,ქუთაისი გუშინ, დღეს, ხვალ“ პრეზენტაცია გაიმართა. წიგნი შეიცავს ინფორმაციას ქუთაისის ისტორიის, კულტურის, ისტორიული ძეგლების, მუზეუმების, თეატრების, სამზარეულო კულტურის, ქალაქის ტურისტული პოტენციალისა თუ სამომავლო განვითარების პერსპექტივების შესახებ.

ფოტოალბომის პრეზენტაციას იმერეთში სახელმწიფო რწმუნებულის–გუბერნატორის პირველი მოადგილე პაატა ნადირაძე, ქუთაისის მერი შოთა მურღულია და სხვა მოწვეული სტუმრები ესწრებოდნენ.

მსგავსი შინაარსის ინფორმაციული წიგნი ქუთაისის შესახებ კომუნისტური პერიოდის შემდეგ, დაახლოებით 30 წელია არ გამოცემულა.