სიახლეები

ტყიბულში მეშახტის პროფესიული დღე აღინიშნა

27 აგვისტო, 2016

ტყიბულის მუნიციპალიტეტში მეშახტის პროფესიული დღე აღინიშნა.ამ დღისადმი მიძღვნილ ღონისძიებას იმერეთში სახელმწიფო რწმუნებული–გუბერნატორი, გივი ჭიჭინაძე, პირველი მოადგილე, პაატა ნადირაძე, ტყიბულის მუნიციპალიტეტის გამგებელი, რობიზონ გვენეტაძე და  ,,საქნახშირი ჯი აი ჯი ჯგუფ“–ის ხელმძღვანელი პირები დაესწრნენ.

,,ყველა მეშახტეს გილოცავთ პროფესიულ დღეს და მადლობას გიხდით ასეთი რთული საქმის ერთგულებისთვის და სიყვარულისთვის. გისურვებთ დიდხანს გქონდეთ პროფესიული მოვალეობის შესასრულებლად საჭირო ენერგია და მოტივაცია. ყველა თქვენგანის მიერ გაწეული შრომა ფასდაუდებელია. ასეთი რისკიანი პროფესიის წარმომადგენლებს განსაკუთრებული ყურადღება უნდა მივაქციოთ და შევეცადოთ, რომ ხელი შევუწყუთ მძიმე სამუშაოს შესრულებაში’’–განაცხადა იმერეთში სახელმწიფო რწმუნებულმა–გუბერნატორმა გივი ჭიჭინაძემ.

მეშახტის პროფესიული დღე პირველად 1948 წელს აღინიშნა.