სახელმწიფო რწმუნებულის ადმინისტრაცია

ქუთაისში, ავტოქარხნისა და სულხან-საბას დასახლებაში, ორი ახალი ბაღი შენდება. ავტოქარხნის დასახლებაში მშენებარე ბაგა-ბაღი იმერეთში სახელმწიფო რწმუნებულის-გუბერნატორის მოადგილემ იოსებ ხახალეიშვილმა და ქუთაისის მერმა შოთა მურღულიამ დაათვალიერეს. სკოლამდელი აღზრდის დაწესებულებას ტენდერში გამარჯვებული კომპანია შ.პ.ს ,,ჯი-თი-აი 2007" აშენებს.

პროექტი რეგიონული განვითარების ფონდიდან ფინანსდება. ავტოქარხნის დასახლებაში მდებარე ბაღი 2 სართულიანი იქნება და 140 აღსაზრდელზეა გათვლილი. საბავშვო ბაღის მშნებლობა 2015 წლის მაისში დასრულდება.