სახელმწიფო რწმუნებულის ადმინისტრაცია

ქუთაისში ავღანეთიდან ჯარების გამოყვანის 26 - ე წლისთავი აღნიშნეს. იმერეთში სახელმწიფო რწმუნებულის-გუბერნატორის მოადგილემ იოსებ ხახალეიშვილმა და ქუთაისის მერმა შოთა მურღულიამ, ავღანეთის ომში დაღუპულთა მემორიალი გვირგვინით შეამკეს, ავტოქარხნის დასახლებაში მდებარე ტაძრის მოძღავრმა მამა ხარიტონმა კი დაღუპულთა სულების მოსახსენიებელი პანაშვიდი გადაიხადა. დღესვე, ავღანეთის ომის ვეტერანებს ადგილობრივმა ხელისუფლებამ 200 ლარიანი დახმარება გადასცა.

ავღანეთიდან საბჭოთა ჯარების გამოყვანა 1989 წლის 15 თებერვალს დამთავრდა, რომლითაც შესრულდა ჟენევაში ხელმოწერილი შეთანხმება ავღანეთიდან ჯარების გაყვანის შესახებ.