სახელმწიფო რწმუნებულის ადმინისტრაცია

პროექტის "დაბრუნება სკოლაში" ფარგლებში იმერეთში სახელმწიფო რწმუნებული–გუბერნატორი იოსებ ხახალეიშვილი, ქუთაისის მერი შოთა მურღულია და საკრებულოს თავმჯდომარე დავით დვალი პირველ საჯარო სკოლას ეწვივნენ. აღნიშნული პროექტი ნატო-სა და ევროკავშირის შესახებ საინფორმაციო ცენტრის მიერ არის ინიცირებული და მაღალი თანამდებობის პირების, ცნობილი ადამიანების საკუთარ სკოლებში მოსწავლე-ახალგაზრდობასთან და პედაგოგებთან შეხვედრებს ითვალისწინებს.

მხარისა და ადგილობრივი ხელისუფლების წარმომადგენლებმა მოსწავლეებს ლექცია–სემინარი ჩაუტარეს ნატო–სა და ევროკავშირის შესახებ. ბავშვებმა ამომწურავი ინფორმაცია მიიღეს ევროატლანტიკურ სტრუქტურებში გაწევრიანების შემდეგ არსებულ პერსპექტივებსა და შესაძლებლობებზე.