სახელმწიფო რწმუნებულის ადმინისტრაცია

გვირილობის დღესასწაულთან დაკავშირებული საქველმოქმედო ტრადიცია გრძელდება. ქუთაისის ლადო მესხიშვილის სახელობის პროფესიულ სახელმწიფო დრამატულ თეატრში პიანისტ ელისო ბოლქვაძის საქველმოქმედო კონცერტი გაიმართა.

ღონისძიების ორგანიზატორი იმერეთში სახელმწიფო რწმუნებულის–გუბერნატორის ადმინისტრაციასთან ერთად, ქუთაისის მუნიციპალიტეტის მერიაა. საქველმოქმედო საღამოდან შემოსული თანხა, 4 000 ლარზე მეტი, სოციალურად დაუცველ შშმ პირს, 8 წლის მარიამ სოხაძეს, მკურნალობის ხარჯების დასაფარად გადაეცემა.