სახელმწიფო რწმუნებულის ადმინისტრაცია

პროექტის „საზოგადოების ცოდნის გაძლიერება და სამოქალაქო საზოგადოების ჩართვა რეგიონულ დაგეგმარებაში" ფარგლებში იმერეთში სახელმწიფო რწმუნებული-გუბერნატორი ზაზა მეფარიშვილი ადმინისტრაციის წარმომადგენლებთან ერთად, საეა-ის იმერეთის წარმომადგენლობის დირექტორს პაატა კლდიაშვილსა და საია-ს ქუთაისის ფილიალის პროგრამების დირექტორს ნოდარ ჯიქიას შეხვდა.

შეხვედრაზე მხარეებმა აღნიშნული პროექტის შესახებ ისაუბრეს, რომლის მიზანსაც რეგიონული და ადგილობრივი განვითარების პროცესში მოქალაქეთა ჩართულობის უზრუნველყოფა წარმოადგენს. სახელმწიფო რწმუნებულის-გუბერნატორის ადმინისტრაციამ პროექტის იმპლემენტაციის პროცესში სამოქალაქო სექტორთან მჭიდრო თანამშრომლობის სურვილი გამოთქვა.

აღნიშნული პროექტი „სიდას" და სამოქალაქო საზოგადოების რეგიონული ქსელის წევრი ორგანიზაციების მიერ (R-CSN) ხორციელდება, გაეროს განვითარების პროგრამის (UNDP) მხარდაჭერით. პროექტი დაფინანსებულია შვეიცარიის განვითარების სააგენტოსა (SDC) და ავსტრიის განვითარების სააგენტოს (ADC) მიერ „რეგიონული და ადგილობრივი განვითრების გაძლიერების" პროგრამის ფარგლებში.