სახელმწიფო რწმუნებულის ადმინისტრაცია

სოფლის მეურნეობის პროექტების მართვის სააგენტოს პროგრამის „ქართული ჩაი“ მენეჯერმა ლევან უროტაძემ და იმერეთში სახელმწიფო რწმუნებულის–გუბერნატორის პირველმა მოადგილემ პაატა ნადირაძემ ადგილობრივი თვითმმართველობის წარმომადგენლებს, ადგილობრივ კოოპერატივებსა და ფერმერებს პროგრამა „ქართულიჩაი“ გააცნეს.

სოფლის მეურნეობის სამინისტროს ინიციატივით, სოფლის მეურნეობის პროექტების მართვის სააგენტომ პროგრამის პირველი ეტაპის განხორციელება თებერვლის თვიდან დაიწყო. პროგრამის მიზანი საქართველოში არსებული ჩაის პლანტაციების პოტენციალის ეფექტურად გამოყენება, ადგილობრივი ჩაის (მათშორისბიოჩაის) წარმოების ზრდის ხელშეწყობაა. აღნიშნული  საექსპორტო პოტენციალის გაზრდას უზრუნველყოფს. პროგრამის ფარგლებში შესაძლებელი იქნება როგორც კერძო, ასევე სახელმწიფო საკუთრებაში არსებული გაველურებული ჩაის პლანტაციების რეაბილიტაცია. ჩაის პლანტაციების რეაბილიტაციისთვის დაფინანსებას მიიღებენ იურიდიული პირები, მათ შორის სასოფლო-სამეურნეო კოოპერატივები. განსაკუთრებული შეღავათებია გათვალისწინებული სასოფლო-სამეურნეო კოოპერატივებისთვის, რაც საქართველოში კოოპერაციის განვითარებას კიდევ უფრო შეუწყობს ხელს.