მუნიციპალიტეტები

დავით აღმაშენებლის ქუთაისის საერთაშორისო აეროპორტი

  • დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

რეგიონული თათბირი ზესტაფონში

29 თებერვალი, 2016

რეგიონული თათბირი ზესტაფონში იმერეთში სახელმწიფო რწმუნებულის-გუბერნატორის ადმინისტრაციამ გასვლითი რეგიონული თათბირი ზესტაფონის მუნიციპალიტეტში გამართა. შეხვედრას იმერეთის გუბერნატორი გივი ჭიჭინაძე, პირველი მოადგილე პაატა ნადირაძე, ვიცე–გუბერნატორი იოსებ ხახალეიშვილი და მუნიციპალიტეტების გამგებლები ესწრებოდნენ.

მხარეებმა შ.პ.ს. „მექანიზატორის“ ზესტაფონის სერვის-ცენტრის ახალ ხელმძღვანელთან ერთად საგაზაფხულო სამუშაოებსა და ხვნა-თესვასთან დაკავშირებული საკითხები განიხილეს. მხარისა და ადგილობრივი ხელისუფლების ხელმძღვანელებმა ასევე, იმერეთის სატყეო სააგენტოსგან ხეების განაშენიანების შესახებ მოისმინეს ინფორმაცია. სახელმწიფო რწმუნებულის–გუბერნატორის მოადგილემ იოსებ ხახალეიშვილმა კი ბრიუსელში საქმიანი ვიზიტის დროს გაწეული სამუშაოს ანგარიში წარადგინა.

დღესვე, გიორგი დვალიშვილმა იმერეთის ტურისტული გზამკვლევის პროექტის პრეზენტაცია გამართა და გამგებლებთან ერთად რეგიონის ტურისტულ პოტენციალზე იმსჯელა. შეხვედრის ბოლოს ქუთაისის აკაკი წერეთლის სახელობის სახელმწიფო უნივერსიტეტმა იმერეთის მხარის მუნიციპალიტეტების გამგეობებთან ურთიერთთანამშრომლობის მემორანდუმი გააფორმა.