სახელმწიფო რწმუნებულის ადმინისტრაცია

იმერეთში სახელმწიფო რწმუნებულის–გუბერნატორის პირველმა მოადგილემ პაატა ნადირაძემ, ვიცე–გუბერნატორმა გიორგი ჭიღვარიამ და სასწრაფო სამედიცინო დახმარების ცენტრის წარმომადგენელმა ამირან გოგიტიძემ სამტრედიის მუნიციპალიტეტში არსებულ სასწრაფო დახმარების რაიონულ სამსახურს ინვენტარი გადასცეს. 3 ეკიპაჟი კარდიოგრაფებით, დეფიბრილატორებით, სატრაქციო და ხერხემლის საიმობილიზაციო არტაშნებით, კისრის საყელოებით, სამედიცინო ჩანთებით, ჟანგბადის ბალონებით და სხვა საჭირო ინვენტარით აღიჭურვა.

იმერეთის შემდეგ, სამედიცინო ინვენტარი სასწრაფო დახმარების ეკიპაჟებს მთელი ქვეყნის მასშტაბით, ეტაპობრივად გადაეცემა.