სახელმწიფო რწმუნებულის ადმინისტრაცია

იმერეთში სახელმწიფო რწმუნებულის–გუბერნატორის ადმინისტრაციამ პოლტავის ოლქის დელეგაციას უმასპინძლა. შეხვედრას იმერეთში სახელმწიფო რწმუნებული–გუბერნატორი გივი ჭიჭინაძე, პირველი მოადგილე პაატა ნადირაძე და ვიცე–გუბერნატორი გიორგი ჭიღვარია ესწრებოდნენ.

მხარეებმა სამომავლო გეგემებზე, ერთობლივად განსახორციელებელ პროექტებსა და სხვადასხვა სფეროებში არსებული ურთიერთობების გაღრმავებაზე ისაუბრეს. პოლტავის დელეგაციამ იმერეთის გუბერნატორს უკრაინელი ბავშვების მასპინძლობისთვის მადლობის სიგელი გადასცა და აღინიშნა, რომ ამ ფაქტს ადგილობრივ მედია საშუალებებში დიდი გამოხმაურება მოჰყვა, რაც თანამშრომლობისკენ გადადგმული კიდევ ერთი წარმატებული ნაბიჯია.