მუნიციპალიტეტები

დავით აღმაშენებლის ქუთაისის საერთაშორისო აეროპორტი

  • დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

იმერეთის გუბერნატორმა აფხაზეთის ომში დაღუპული გმირების ხსოვნას პატივი მიაგო

27 სექტემბერი, 2015

სოხუმის დაცემიდან დღეს 22 წელი შესრულდა. აფხაზეთის ომში დაღუპული გმირები იმერეთშიც გაიხსენეს. იმერეთში სახელმწიფო რწმუნებულმა–გუბერნატორმა გივი ჭიჭინაძემ და  ქუთაისის მერმა შოთა მურღულიამ საქართველოს ტერიტორიული მთლიანობისთვის ბრძოლაში  დაღუპულთა მემორიალი გვირგვინით შეამკეს. დაღუპული გმირების სულის მოსახსენიებელი პანაშვიდი წმინდა დოსითეოსის სახელობის ეკლესიის მოძღვარმა მამა ზურაბმა გადაიხადა.

,,ჩვენი ქვეყნის უახლეს ისტორიაში ეს იყო ყველაზე რთული პერიოდი. აფხაზეთში სამხედრო დაპირისპირებას ასეულობით ადამიანის სიცოცხლე შეეწირა. მჯერა , რომ ჩვენი გმირების დაღვრილი სისხლი უკვალოდ არ ჩაივლის და საქართველო შეძლებს ტერიტორიული მთლიანობის აღდგენას“– აღნიშნა იმერეთის გუბერნატორმა გივი ჭიჭინაძემ.

სამხედრო დაპირისპირება აფხაზეთში 1992 წლის 14 აგვისტოს დაიწყო და 13 თვესა და 13 დღეს გაგრძელდა. საომარი მოქმედებები 1993 წლის 27 სექტემბერს, სოხუმის დაცემითა და საქართველოს შეიარაღებული ძალების მარცხით დასრულდა.