სახელმწიფო რწმუნებულის ადმინისტრაცია

რეგიონებთან ურთიერთობის დეპარტამენტის ხელმძღვანელი გიორგი ამაშუკელი იმერეთის სამხარეო ადმინისტრაციაში, მხარის 11 მუნიციპალიტეტის გამგებელსა და ქუთაისის მერს შეხვდა.

გიორგი ამაშუკელი იმერეთის გუბერნატორ გივი ჭიჭინაძესთან და პირველ მოადგილესთან პაატა ნადირაძესთან ერთად, მიმდინარე ინფრასტრუქტურულ პროექტებს გაეცნო და მომავალ წელს დაგეგმილი პროექტები განიხილა.

იმერეთის რეგიონში 2015 წლის ინფრასტრუქტურულ პროექტებზე 70 მილიონ ლარზე მეტი დაიხარჯება, სამუშაოების შესრულების ტემპები მაღალია და წლის ბოლოს ყველა პროექტი დასრულებული იქნება.