მუნიციპალიტეტები

დავით აღმაშენებლის ქუთაისის საერთაშორისო აეროპორტი

  • დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

ხონში მცხოვრებ 200 დევნილ ოჯახს საცხოვრებელი ფართები დაუკანონდა

7 აგვისტო, 2015

ხონის მუნიციპალიტეტში ყოფილ სამხედრო დასახლებაში მცხოვრებ 200 დევნილ ოჯახს საცხოვრებელი ფართი , სიმბოლურ ფასად 1 ლარად დაუკანონდა, 450 ოჯახს კი გაზის გამათბობელი დაუმონტაჟდა. 
დასახლებაში მცხოვრებ დევნილებს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და იმერეთში სახელმწიფო რწმუნებული–გუბერნატორი გივი ჭიჭინაძე შეხვდნენ. მინისტრმა აღნიშნა, რომ დევნილთა მართლზომიერ მფლობელობაში არსებული საცხოვრებელი ფართების საკუთრებაში გადაცემის პროექტის ფარგლებში, დაკანონების პროცესი გაგრძელდება და 2015 წლის სექტემბრამდე ფართი ყველა იძულებით გადაადგილებულ პირს დაუკანონდება. 

დღესვე აშშ–ს საერთაშორისო განვითარების სააგენტოს (USAID) მისიის დირექტორმა, სტივენ ჰეიკინმა კონფლიქტების შედეგად დაზარალებულ ოჯახებს პირობების გაუმჯობესების მიზნით, გაზის გამათბობლები გადასცა. 
უახლოეს მომავალში სამხედრო დასახლებაში ბავშვებისათვის სათამაშო და სპორტული მოედნების მშენებლობა იგეგმება.