სახელმწიფო რწმუნებულის ადმინისტრაცია

იმერეთის სამხარეო ადმინისტრაციის ინიციატივით, სოფლის მეურნეობი სამინისტროს რეგიონული სამმართველოს წარმომადგენლებთან შეხვედრა გაიმართა. შეხვედრას იმერეთში სახელმწიფო რწმუნებულის–გუბერნატორის პირველი მოადგილე პაატა ნადირაძე, ვიცე–გუბერნატორი იოსებ ხახალეიშვილი და 11 – ვე მუნიციპალიტეტის გამგებელი ესწრებოდა.

თათბირზე სოფლის მეურნეობის სამინისტროს იმერეთის რეგიონული სამმართველოს ხელმძღვანელმა, სოფლის მეურნეობის მიმართულებით განხორციელებულ პროექტებზე ისაუბრა. ამ ეტაპზე იმერეთში ექვსი მსხვილი პროექტი მიმდინარეობს: შეღავათიანი აგროკრედიტის პროექტი, სასოფლო-სამეურნეო კოოპერატივები, აგროდაზღვევა, ფერმერთა საგაზაფხულო სამუშაოების ხელშეწყობის პროგრამა, გადამამუშავებელი საწარმოების თანადაფინანსების პროექტი და დანერგე მომავალი. შეღავათიანი აგროკრედიტით დაფინანსება იმერეთში 824 – მა ფერმერმა და საწარმომ მიიღო, ხოლო გაცემული სესხების რაოდენობამ 26 841 198 ლარი შეადგინა. შეღავათიანი აგროკრედიტის მე–3 კომპონენტის ფარგლებში კი 11 საწარმო ამოქმედდა. იმერეთის რეგიონში 99 სხვადასხვა მიმართულების და საქმიანობის კოოპერატივი ფუნქციონირებს.