სახელმწიფო რწმუნებულის ადმინისტრაცია

იმერეთის სამხარეო ადმინისტრაციაში სსიპ საქართველოს ინოვაციების და ტექნოლოგიების სააგენტოს წარმომადგენლები რეგიონის მუნიციპალიტეტების გამგებლებს შეხვდნენ. შეხვედრას იმერეთში სახელმწიფო რწმუნებულის–გუბერნატორის პირველი მოადგილე პაატა ნადირაძე და ვიცე–გუბერნატორი იოსებ ხახალეიშვილი ესწრებოდნენ.

სააგენტოს წარმომადგენლებმა ახალი პროექტის შესახებ, რომელიც ინოვაციების ცენტრების შექმნას გულისხმობს, პრეზენტაცია წარადგინეს. პროექტის მიზანი არის საქართველოს მოსახლეობის კონკურენტუნარიანობის ამაღლება ინფორმაციული ტექნოლოგიების, დისტანციური სწავლებისა და დასაქმების დანერგვით, ასევე მეწარმული უნარების განვითარებით. ინოვაციების ცენტრებში ნებისმიერ დაინტერესებულ პირს ექნება წვდომა თანამედროვე ტექნოლოგიებთან და დისტანციურ სწავლებასთან. დაწესებულებებში საერთო სამუშაო სივრცეც შეიქმნება, სადაც მეწარმისა და სტუდენტის, გლეხისა და სტუდენტის და სხვათა დაკავშირება მოხდება.