სახელმწიფო რწმუნებულის ადმინისტრაცია

ჭიათურის მუნიციპალიტეტში სიმღერისა და ცეკვის ფოლკლორული ანსამბლის "ჩანგის" კონცერტი გაიმართა. ღონისძიებას იმერეთში სახელმწიფო რწმუნებული–გუბერნატორი გივი ჭიჭინაძე, პირველი მოადგილე პაატა ნადირაძე და გამგებელი სულხან მახათაძე ესწრებოდნენ.

"ჩანგი" მაყურებლის წინაშე მრავალფეროვანი რეპერტუარით წარსდგა. ჭიათურის დრამატული თეატრის სცენაზე ანსამბლის წევრებმა სხვადასხვა ქორეოგრაფიული და სასიმღერო ნომრები შეასრულეს.

კონცერტის ბოლოს ქორეოგრაფიის მოღვაწეთა შემოქმედებითი კავშირის პრეზიდენტმა "ჩანგის" მთავარი ქორეოგრაფი თამაზ ბრეგვაძე, ქართულ საცეკვაო ხელოვნების განვითარებაში შეტანილი განსაკუთრებული წვლილისთვის სპეციალური სიგელით დააჯილდოვა. შეკრებილ საზოგადოებას სცენიდან მხარისა და მუნიციპალიტეტის პირველმა პირებმაც მიმართეს. იმერეთის გუბერნატორის განცხადებით, ხელისუფლება მსგავსი ტიპის ანსამბლებს შემდგომი განვითარებისა და წარმატებისთვის მაქსიმალურ დახმარებას გაუწევს.