სიახლეები

ქუთაისის სასწრაფო სამედიცინო დახმარების მანქანები კარდიოგრაფებით აღიჭურვა

21 ივლისი, 2015

სასწრაფო სამედიცინო დახმარების ცენტრის ტექნიკური აღჭურვა გრძელდება. ქალაქ ქუთაისის მერიამ სასწრაფო სამედიცინო დახმარების რაიონულ ცენტრს ახალი კარდიოგრაფები გადასცა.  ღონისძიებას სასწრაფო სამედიცინო დახმარების ცენტრის დირექტორი თეიმურაზ ხარაშვილი, იმერეთში სახელმწიფო რწმუნებული–გუბერნატორი გივი ჭიჭინაძე, პირველი მოადგილე პაატა ნადირაძე, ვიცე–გუბერნატორი გიორგი ჭიღვარია და ქალაქ ქუთაისის მერი ესწრებოდნენ.

კარდიოგრაფები სასწრაფო დახმარების 10 მანქანაში დამონტაჟდა, ახალი აპარატურით ეტაპობრივად ქუთაისის სასწრაფო სამედიცინო დახმარების ცენტრის ყველა ეკიპაჟი აღიჭურვება.  

მთელი ქვეყნის მასშტაბით კარდიოგრაფები სასწრაფო დახმარების ეკიპაჟებს მიმდინარე წლის ბოლომდე გადაეცემა.