ვანის მუნიციპალიტეტში რეგიონული თათბირი გაიმართა

მუნიციპალიტეტები

დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

ვანის მუნიციპალიტეტში რეგიონული თათბირი გაიმართა

26 ივნისი, 2015

იმერეთის სამხარეო ადმინისტრაციამ კიდევ ერთი გასვლითი რეგიონული თათბირი ვანის მუნიციპალიტეტში გამართა. სახელმწიფო რწმუნებულმა–გუბერნატორმა იმერეთის მხარეში გივი ჭიჭინაძემ გამგებლებთან ერთად, 2015 წლის ინფრასტრუქტურული პროექტების მიმდინარეობის შესახებ იმსჯელა.

მხარის 12 – ვე მუნიციპალიტეტში აქტიურად მიმდინარეობს სხვადასხვა სახის სამუშაოები. ამ ეტაპზე ხორციელდება: საგზაო ინფრასტრუქტურის მოწესრიგება, მიწისქვეშა კომუნიკაციების გამოცვლა, ფასადების კეთილმოწყობა, სკვერებისა და ქუჩების რეაბილიტაცია. შეხვედრაზე ასევე, იმერეთში ტურიზმის განვითარებასთან დაკავშირებული საკითხებიც განიხილეს.

რეგიონულ თათბირს გუბერნატორის პირველი მოადგილე პაატა ნადირაძე, ვიცე–გუბერნატორები: გიორგი ჭიღვარია და იოსებ ხახალეიშვილი, მუნიციპალიტეტების გამგებლები, საქართველოს მთავრობის კანცელარიისა და რეგიონული პროექტების კოორდინირების სამსახურის წარმომადგენლები ესწრებოდნენ.

დღესვე, იმერეთში სახელმწიფო რწმუნებულმა–გუბერნატორმა გივი ჭიჭინაძემ ადგილობრივი ხელისუფლების წარმომადგენლებთან ერთად ვანის ცენტრალური სტადიონი და სპორტული კომპლექსი დაათვალიერა.