სახელმწიფო რწმუნებულის ადმინისტრაცია

ლატვიის ადგილობრივი და რეგიონული ასოციაციის, ლატვიის საგარეო საქმეთა სამინისტროსა და ევროკომისიის ორგანიზებით გაიმართა შეხვედრები რიგაში, რომლებიც ევროკავშირისა და აღმოსავლეთ პარტნიორობის ქვეყნებს შორის თანამშრომლობის გაფართოებას ისახავდა მიზნად. საქართველოს დელეგაციის შემადგენლობაში, ადგილობრივ თვითმმართველობათა ეროვნული ასოციაციის წევრებთან ერთად, იმყოფებოდა იმერეთში სახელმწიფო რწმუნებულის–გუბერნატორის მოადგილე იოსებ ხახალეიშვილი.

აღნიშნული შეხვედრების ძირითად თემატიკას წარმოადგენდა ადგილობრივი და რეგიონული მმართველობის ჩართულობა ევროკომისიისა და ევროპის საგარეო ქმედებათა სამსახურის მიერ ორგანიზებულ კონსულტაციებში და ცენტრალურ ხელისუფლებას, ადგილობრივ და რეგიონულ მმართველობებს შორის მოლაპარაკებების წარმოების ეფექტური მექანიზმები.