სახელმწიფო რწმუნებულის ადმინისტრაცია

აღნიშნული ვიზიტის მთავარ თემას რეგიონსა და სხვადასხვა ქალაქებში არსებული სოციალური პროგრამებისა და სერვისების გაცნობა წარმოადგენდა და ასევე, პოლონური გამოცდილების გამოყენება მუნიციპალიტეტების ბიუჯეტების სოციალური პროგრამებისა და სერვისების დაგეგმარების პროცესში.

ვიზიტის ბოლო დღეს კუიევო–პომორსკის რეგიონის გუბერნატორთან პიოტრ ცოვბესკისთან შედგა შეხვედრა, სადაც კიდევ ერთხელ აღინიშნა რეგიონებს შორის თანამშრომლობის გაძლიერებისათვის ახალი პროექტებისა და აქტივობების განხორციელების საჭიროება. კერძოდ, მიმდინარე წლის ზაფხულში, პოლონური მხარე 10 დღით უმასპინძლებს 20 ბავშვს იმერეთიდან, იგეგმება ქუთაისის ცეკვისა და სიმღერის სახელმწიფო ანსამბლის ტურნე პოლონეთში. კუიევო–პომორსკის რეგიონის გუბერნატორი კი პოლონელი ბიზნესმენების ჯგუფთან ერთად, ივლისის თვეში ეწვევა იმერეთს.

ერთობლივი პროექტის ფარგლებში იმერეთის დელეგაციის მეორე ვიზიტი პოლონეთში მიმდინარე წლის სექტემბერში არის დაგეგმილი, რომელიც სოფლის მეურნეობის სფეროს დაეთმობა.