ქუთაისში, საერთაშორისო ფოტოფესტივალი „ილო“ გაიხსნა

მუნიციპალიტეტები

დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

ქუთაისში, საერთაშორისო ფოტოფესტივალი „ილო“ გაიხსნა

13 ოქტომბერი, 2023

გახსნის ცერემონიას იმერეთში სახელმწიფო რწმუნებული ზვიად შალამბერიძე, გუბერნატორის მოადგილეები, ქუთაისის მერი და სხვა მიწვეული სტუმრები ესწრებოდნენ.

ფოტოფესტივალი ფოტოგრაფ ილო ხახიაშვილის ძეგლის პატივგებით დაიწყო, საკონკურსო ფოტოები კი „თიბისი ბანკის“ საგამოფენო სივრცეშია წარმოდგენილი.

წელს ფესტივალში მონაწილეობენ მსოფლიოს 7 ქვეყნის (საქართველო, საფრანგეთი, ნიდერლანდები, უკრაინა, ბელგია, ამერიკის შეერთებული შტატები, ისრაელი ) ფოტოხელოვანები და ფოტომოყვარულები.

ფესტივალის ფარგლებში ჩატარდება მასტერკლასები და ფოტოსესიები, მონაწილეებისთვის მოეწყობა ტურები ქუთაისის და იმერეთის გასაცნობად.

საერთაშორისო ფოტოფესტივალი „ილო“ დაიხურება 15 ოქტომბერს. დახურვის ცერემონიალზე, პროფესიონალური ჟიურის მიერ გამოვლენილ გამარჯვებულებს ფესტივალის მთავარი და სპეციალური პრიზები გადაეცემათ.