მუნიციპალიტეტები

დავით აღმაშენებლის ქუთაისის საერთაშორისო აეროპორტი

  • დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

საგანგებო სიტუაციების მართვის სააგენტოს სიმულაციური სწავლება ქუთაისში

11 ივნისი, 2015

შსს-ს საგანგებო სიტუაციების მართვის სააგენტოს თანამშრომლებმა ქუთაისის 45-ე საჯარო სკოლაში მიწისძვრის დროს გაჩენილი ხანძრის სიმულაციური სწავლება ჩაატარეს. სკოლაში სპეციალური საგანმანათლებლო საჭიროების მქონე 5-დან 18 წლამდე აღსაზრდელები სწავლობენ. შსს-ს საგანგებო სიტუაციების მართვის სააგენტოს მეხანძრე-მაშველებმა წინასწარ შემუშავებული სცენარის მიხედვით, შენობიდან 36 სკოლის აღსაზრდელის და 53 თანამშრომლის ევაკუაციას მოახდინეს. აღნიშნული სწავლება შსს-ს საგანგებო სიტუაციების მართვის სააგენტოს მიერ წამოწყებული კამპანიის ,,სამოქალაქო უსაფრთხოება სკოლებში’’ ფარგლებში განხორციელდა.

ღონისძიებას შსს-ს საგანგებო სიტუაციების მართვის სააგენტოს დირექტორი ზვიად ქაწაშვილი, იმერეთში სახელმწიფო რწმუნებულის–გუბერნატორის მოადგილე გიორგი ჭიღვარია და ქუთაისის ვიცე-მერი ნოდარ მიქიაშვილი ესწრებოდნენ.

ღონისძიების მიზანია, საგანგებო სიტუაციების დროს, სპეციალური საგანმანათლებლო საჭიროების მქონე აღსაზრდელებისა და პერსონალის მზადყოფნა, ასევე, ინციდენტზე კოორდინირებული რეაგირებისთვის საჭირო თეორიული ცოდნისა და პრაქტიკული უნარ-ჩვევების გაუმჯობესება.