სახელმწიფო რწმუნებულის ადმინისტრაცია

ქუთაისის ლადო მესხიშვილის სახელობის პროფესიულ სახელმწიფო დრამატულ თეატრში საზეიმოდ დაიხურა იმერეთის თეატრალური ფესტივალი, რომელიც 14 დღის განმავლობაში მიმდინარეობდა. ფესტივალის დასკვნით საღამოს რეგიონის თეატრალებსა და შეკრებილ საზოგადოებას იმერეთში სახელმწიფო რწმუნებული–გუბერნატორი გივი ჭიჭინაძე და ქუთაისის მერი შოთა მურღულია მიესალმნენ.

ფესტივალზე, სადაც იმერეთის 12-ვე მუნიციპალიტეტის პროფესიული და სახალხო თეატრის დასები იღებდნენ მონაწილეობას, გრან-პრი ჭიათურის ა. წერეთლის სახელმწიფო თეატრს მიენიჭა. მუნიციპალიტეტი თეატრალურ იმერეთზე მიხეილ ჯავახიშვილის "მუსუსით" იყო წარმოდგენილი. გამარჯვებული თეატრი იმერეთის გუბერნატორმა გივი ჭიჭინაძემ დააჯილდოვა. ფესტივალის ჟიურიმ სხვა ნომინაციებში გამარჯვებულებიც გამოავლინა, რომლებსაც სამახსოვრო საჩუქრები და ფულადი პრემიები გადაეცათ.