მუნიციპალიტეტები

დავით აღმაშენებლის ქუთაისის საერთაშორისო აეროპორტი

  • დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

ფესტივალი „იმერეთის ხმა“ დასრულდა

22 მაისი, 2015

ქუთაისის მელიტონ ბალანჩივაძის სახელობის ოპერისა და ბალეტის თეატრში ფესტივალ „იმერეთის ხმის“ დასკვნითი კონცერტი გაიმართა.

„იმერეთის ხმა“ რეგიონში პირველად, სამხარეო ადმინისტრაციის მხარდაჭერით ჩატარდა და ერთი თვის განმავლობაში მიმდინარეობდა მუნიციპალიტეტებში. ჟიურის წევრებმა საუკეთესო შემსრულებლები 12-ვე რაიონიდან შეარჩიეს.

ფესტივალის ჟიურის თავმჯდომარე კომპოზიტორი მარიკა კვალიაშვილი იყო, მის შემადგენლობაში ასევე შედიოდნენ: მუსიკათმცოდნე ლალი ვარდანაშვილი და ადგილობრივი თვითმმართველობის ორგანოებთან ურთიერთობის სამსახურის უფროსი კონსტანტინე ლომიძე.

იმერეთის ხმის გრან პრის მფლობელი სალომე კვირიკაშვილი გახდა ხარაგაულის მუნიციპალიტეტიდან, გამარჯვებულს პლანშეტური კომპიუტერი იმერეთში სახელმწიფო რწმუნებულის-გუბერნატორის პირველმა მოადგილემ პაატა ნადირაძემ გადასცა. პირველ ადგილზე ზესტაფონში მცხოვრები ინა სადუნიშვილი გავიდა, მეორე და მესამე ადგილები კი წყალტუბოელმა ირაკლი ბენდელიანმა და სამტრედიელმა სოსო ვეზდენმა გაინაწილეს.