სახელმწიფო რწმუნებულის ადმინისტრაცია

პაატა ბურჭულაძემ იმერეთში სახელმწიფო რწმუნებულის-გუბერნატორის ადმინისტრაციასა და მუნიციპალიტეტის გამგებლებს თბილისში, მახათას მთაზე მშენებარე ივერიის ღვთისმშობლის ხატის სახელობის ტაძრის შესახებ მიაწოდა ინფორმაცია.

ტაძრის მშენებლობა უნიკალური სქემით ხორციელდება, რომელიც ყველა ადამიანს აძლევს აქციაში თანაბარი მონაწილეობის საშუალებას. ნებისმიერი შემომწირველი, შეწირული თანხის ოდენობის მიუხედავად, 1 ლარს წირავს თავის სახელზე, ხოლო დანარჩენ თანხას - თავისი ახლობლების, ოჯახის წევრების, გარდაცვლილი წინაპრების ან სოციალურად დაუცველი ადამიანების სახელზე. იქმნება სპეციალური წიგნი, რომელშიც მილიონობით აღმშენებლის გვარ-სახელი შევა.