ზვიად შალამბერიძემ ხარაგაულში დროებითი სამშენებლო საამქროს კონსტრუქციის ჩამონგრევის შედეგად დაშავებული ადამიანები მოინახულა

მუნიციპალიტეტები

დავით აღმაშენებლის ქუთაისის საერთაშორისო აეროპორტი

იმერეთის რუკა

სიახლეები

ზვიად შალამბერიძემ ხარაგაულში დროებითი სამშენებლო საამქროს კონსტრუქციის ჩამონგრევის შედეგად დაშავებული ადამიანები მოინახულა

22 დეკემბერი, 2021

იმერეთში სახელმწიფო რწმუნებული ზვიად შალამბერიძე, საავტომობილო გზების დეპარტამენტის თავმჯდომარის მოადგილე ლევან კუპატაშვილთან ერთად, სამედიცინო დაწესებულებებში მივიდა და ხარაგაულში დროებითი სამშენებლო საამქროს კონსტრუქციის ჩამონგრევის შედეგად დაშავებული ადამიანები მოინახულა.

ზესტაფონში ,,ჯეო ჰოსპიტალსი" - ს საავადმყოფოში მკურნალობას ამ ეტაპზე 2 პირი გადის, 3 - ს პირველადი დახმარება გაეწია და საავადმყოფოდან უკვე გაწერეს. 2 პაციენტი კი დამატებითი კვლევებისთვის ქუთაისში გადაიყვანეს.

ასევე სტაბილურია სხვა კლინიკებში გადაყვანილი პაციენტების ჯანმრთელობის მდგომარეობა.

სოფელ ვერტყვიჭალაში, დროებითი სამშენებლო საამქროს კონსტრუქციის ჩამონგრევის შედეგად ერთი ადამიანი გარდაიცვალა და ათი თანამშრომელი დაშავდა. მათ შორის არის, როგორც საქართველოს ასევე, ჩინეთის მოქალაქეები.