სახელმწიფო რწმუნებულის ადმინისტრაცია

სამშენებლო სამუშაოების მიმდინარეობას იმერეთის სახელმწიფო რწმუნებული ზვიად შალამბერიძე, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი, მუნიციპალური განვითარების ფონდის პროგრამის ხელმძღვანელი ჯაბა სირბილაძე და ქუთაისის მერის მოადგილე ირაკლი ქარქაშაძე ადგილზე გაეცნენ.

 

იმერეთის გუბერნატორის განცხადებით, დევნილებისთვის ბინების გადაცემის პროცესი გრძელდება. ჩვენ ადგილზე გავეცანით შერვაშიძის ქუჩაზე მიმდინარე მშენებლობას, რომლის დასრულების შემდეგ 800 ოჯახს გადაეცემა ბინა და მომავალ წელს დევნილები იზეიმებენ ახალმოსახლეობას.

 

სააგენტოს დირექტორმა ბესარიონ სიმონიშვილმა აღნიშნა, რომ ქუთაისში, ახალაშენებულ კორპუსებში ბინის მიღების მსურველი დევნილი ოჯახების განაცხადების მიღება უკვე დაიწყო და 7 ოქტომბრის ჩათვლით გაგრძელდება.

 

იძულებით გადაადგილებული ოჯახებს განაცხადის გაკეთება სააგენტოს ტერიტორიულ სამსახურებში და ქვეყნის მასშტაბით არსებულ ნებისმიერ იუსტიციის სახლში შეუძლიათ.

 

ხუთი, 16-სართულიანი, თანამედროვე სტანდარტების შესაბამისი კორპუსის სამშენებლო სამუშაოებს საქართველოს რეგიონული განვითარებისა და ინფრასტრუქტურის სამინისტრო ახორციელებს.