სახელმწიფო რწმუნებულის ადმინისტრაცია

ხელისუფლების წარმომადგენლებმა იმერეთის ტურისტული სექტორისგან დარგის გამოწვევები, მათი დაძლევის გზები და სამომავლო განვითარების შესაძლებლობები განიხილეს. შეხვედრა ქუთაისის საერთაშორისო აეროპორტის განახლებულ შენობაში გაიმართა და მას ესწრებოდნენ ქუთაისის მერი, მაჟორიტარი დეპუტატი და საქართველოს აეროპორტების გაერთიანების დირექტრი.

 

შეხვედრამდე სტუმრებმა დაათვალიერეს ქუთაისის განახლებული აეროპორტი და გაეცნენ ახალ სერვისებს, რომელთაც მგზავრები შეძლებენ, რომ მიიღონ. განახლებულ აეროპორტს 7 გასასვლელი (ე.წ. Gate) აქვს და საათში 1200 მგზავრის შეუფერხებლად გატარება შეუძლია, რაც ქუთაისის აეროპორტის გამტარუნარიანობას ოთხჯერ ზრდის.

 

შეხვედრაზე ყურადღება გამახვილდა ქუთაისის აეროპორტში ავიარეისების აღდგენის დინამიკაზე, რომელიც ძალიან მნიშვნელოვანია იმერეთის რეგიონისთვის. ასევე, პოზიტიურად შეფასდა ავიაკომპანია „ვიზეარის“ ბაზის დაბრუნება ქუთაისში. განიხილეს ის გეგმებიც, რომელიც ხელს შეუწყობს იმერეთის მხარის პოპულარიზაციას, რაც, პირველ რიგში, გააძლიერებს იმერეთში ტურიზმის სექტორში დასაქმებულ ადამიანებს.