სახელმწიფო რწმუნებულის ადმინისტრაცია

იმერეთში სახელმწიფო რწმუნებული ზვიად შალამბერიძე და კომიტეტის წევრი შალვა კერესელიძე, იმერეთის, სამეგრელო-ზემო სვანეთის, გურიის და რაჭა-ლეჩხუმ ქვემო სვანეთის რეგიონებში არსებული კოოპერატივების წარმომადგენლებს შეხვდნენ.

 

საქართველოს პარლამენტის აგრარულ საკითხთა კომიტეტი 2021 წლის თებერვლიდან ახორციელებს „სასოფლო-სამეურნეო კოოპერატივის შესახებ“ საქართველოს კანონის აღსრულების კონტროლს. მოკვლევის ჯგუფის შექმნის მიზანს წარმოადგენს კოოპერატივის ძირითადი პრინციპის მუშაობის გაუმჯობესება.

 

აღნიშნულ საკითხთან დაკავშირებით საქართველოს პარლამენტის აგრარულ საკითხთა კომიტეტი რეგიონებში აქტიურად მართავს შეხვედრებს სასოფლო-სამეურნეო კოოპერატივების წარმომადგენლებთან.

 

„სასოფლო-სამეურნეო კოოპერატივის შესახებ“ საქართველოს კანონის აღსრულების კონტროლი ხორციელდება ვესტმინსტერის დემოკრატიის ფონდთან (WFD) თანამშრომლობით და ევროკავშირისა (EU) და გაეროს განვითარების პროგრამის (UNDP) მხარდაჭერით.